ചെന്നൈ: കസ്റ്റഡി മര്ദ്ദനങ്ങളില് ആരോപണനവിധേയനായ എഎസ്പി ബല്വീര് സിംഗിന്റെ കസേര തെറിച്ചു. അംബാസമുദ്രം, വിക്രമസിംഗപുരം പോലീസ് സ്റ്റേഷനുകളിലെ കസ്റ്റഡി മര്ദ്ദനങ്ങളില് എഎസ്പി ബല്വീര് സിംഗിന്റെ പണിയാണ് തെറിച്ചത്. പെറ്റി കേസുകളില് കസ്റ്റഡിയിലെടുത്ത യുവാക്കളുടെ പല്ലുകള് കട്ടിംഗ് പ്ലെയര് ഉപയോഗിച്ച് നീക്കം ചെയ്തു, ജനനേന്ദ്രിയം തകര്ത്തു തുടങ്ങിയ ആരോപണങ്ങളാണ് ഇയാള്ക്കെതിരെ ഉയര്ന്നത്. വേദ നാരായണന്, ചെല്ലപ്പ, സൂര്യ, മാരിയപ്പന് തുടങ്ങിയവരാണ് ബല്വീര് സിംഗിനെതിരെ പരാതിയുമായി രംഗത്തെത്തിയത്.
മജിസ്ട്രേറ്റിന് മുന്നില് ഒന്നും പറയരുതെന്നും മരത്തില് നിന്ന് വീണ് പരിക്കേറ്റതായി കുറ്റസമ്മതം നടത്തണമെന്നും പോലീസ് ഭീഷണിപ്പെടുത്തിയതായും ഇവര് പറഞ്ഞു. 10 ദിവസം മുമ്പാണ് സംഭവം നടന്നതെന്നും ജാമ്യത്തിലിറങ്ങിയതിനാല് പരാതി പുറത്തുവിടാന് ഭയമുള്ളതായും ഇവര് പറയുന്നു. സംഭവത്തില് അന്വേഷണം തുടരുകയാണെന്നും റിപ്പോര്ട്ട് ലഭിച്ച ശേഷം തുടര്നടപടികളുണ്ടാകുമെന്നും ആഭ്യന്തര മന്ത്രാലയം അറിയിച്ചു. അന്വേഷണത്തിന്റെ ഭാഗമായി ഇരകളുടെ വീടുകളില് പ്രത്യേക സംഘം സന്ദര്ശനം നടത്തിയിരുന്നു. അംബാസമുദ്രം, വിക്രമസിഗപുരം പൊലീസ് സ്റ്റേഷനിലെ സിസി ടിവി ദൃശ്യങ്ങളും എഫ്ഐആര് രേഖകളും അന്വേഷണ സംഘം ശേഖരിച്ചിരുന്നു.
