കൊണ്ടോട്ടി : മലപ്പുറം കൊണ്ടോട്ടിയില് ബസും ലോറിയും കൂട്ടിയിടിച്ചുണ്ടായ അപകടത്തില് ഒരാള് മരിച്ചു. മലപ്പുറം അരീക്കോട് സ്വദേശി വിജി (25) ആണ് മരിച്ചത്. കോഴിക്കോട് മെഡിക്കല് കോളേജ് ആശുപത്രിയിലെ നഴ്സിങ് ജിവനക്കാരിയാണ്. മൊറയൂരില് നിന്നാണ് വിജി ബസില് കയറിയത്. അപകടത്തില് 21ലധികം പേര്ക്ക് പരിക്കേറ്റു. പരിക്കേറ്റവരെ രണ്ട് സ്വകാര്യ ആശുപത്രികളില് പ്രവേശിപ്പിച്ചു.
രാവിലെ ആറേകാലോടെ കൊണ്ടോട്ടി ബൈപ്പാസിന് സമീപമായിരുന്നു അപകടം. മഞ്ചേരിയില് നിന്ന് കോഴിക്കോട്ടേക്ക് വരുകയായിരുന്ന ഐവിന് ബസ് ആണ് അപകടത്തില്പ്പെട്ടത്. അമിതവേഗതയില് വന്ന ടോറസ് ലോറി ബസില് ഇടിക്കുകയായിരുന്നു. ഇടിയുടെ ആഘാതത്തില് ബസ് മറിയുകയായിരുന്നു.
