അടൂര് : ലൈഫ് ലൈൻ ആശുപത്രിയുടെയും അടൂർ ഗൈനെക്കോളജിക്കൽ സൊസൈറ്റിയുടെയും സംയുക്താഭിമുഖ്യത്തിൽ സ്തനാർബുദത്തിനെതിരേ “ബൈ ബൈ ബ്രെസ്റ്റ് ക്യാൻസർ” എന്ന പേരിൽ ബോധവത്കരണ പരിപാടി ഡിസംബർ 12 ന് അടൂര് ലൈഫ് ലൈൻ ആശുപത്രിയിൽ വെച്ച് നടത്തുന്നു. വൈകുന്നേരം 3.30 ന് നടക്കുന്ന പരിപാടി യൂ പ്രതിഭ എം എൽ എ ഉദ്ഘാടനം ചെയ്യും. അടൂർ ഗൈനെക്കോളജിക്കൽ സൊസൈറ്റി പ്രസിഡന്റ് പ്രൊഫസർ ഡോ.ബി പ്രസന്നകുമാരി അധ്യക്ഷത വഹിക്കും. സെക്രട്ടറി ഡോ.അനുസ്മിത ആൻഡ്രൂസ് വിഷയം അവതരിപ്പിക്കും. പള്ളിക്കൽ പഞ്ചായത്ത് പ്രസിഡന്റ് സുശീല കുഞ്ഞമ്മ കുറുപ്പ് , ലൈഫ് ലൈൻ ചെയർമാൻ ഡോ.എസ് പാപ്പച്ചൻ, മെഡിക്കൽ ഡയറക്ടർ ഡോ.മാത്യൂസ് ജോൺ തുടങ്ങിയവർ സംസാരിക്കും.
ബോധവത്കരണ പരിപാടിയിൽ പങ്കെടുക്കുന്നവർക്ക് തുടർ ദിവസങ്ങളിൽ സൗജന്യമായി സ്തനാർബുദ പരിശോധനയും 50 ശതമാനം നിരക്കിൽ മാമ്മോഗ്രാം ടെസ്റ്റും നടത്തുന്നതായിരിക്കും. പരിപാടിയിൽ പങ്കെടുക്കുതിന് 9188619302 എന്ന നമ്പറിലോ [email protected] ഇ മെയിലിലോ മുൻകൂട്ടി രജിസ്റ്റർ ചെയ്യാവുന്നതാണ്.
