റാന്നി : റാന്നി അങ്ങാടി പഞ്ചായത്ത് അഞ്ചാം വാർഡ് ഈട്ടിച്ചുവട് ഉപതിരഞ്ഞെടുപ്പിൽ എൽഡിഎഫ് സ്വതന്ത്ര സ്ഥാനാർത്ഥിയായി മത്സരിക്കുന്ന കുഞ്ഞു മറിയാമ്മ ടീച്ചറിന്റെ തിരഞ്ഞെടുപ്പ് വിജയത്തിനായി ചേർന്ന സംഘാടക സമിതി രൂപീകരണയോഗം അഡ്വ.പ്രമോദ് നാരായണൻ എംഎൽഎ ഉദ്ഘാടനം ചെയ്തു. അഡ്വ.ജേക്കബ് സ്റ്റീഫൻ അധ്യക്ഷനായ വാർഡ് മെമ്പർ ആയിരുന്ന കൊച്ചുമോൾ പൂവത്തൂർ അമേരിക്കയിൽ പോയ സാഹചര്യത്തിലാണ് ഇവിടെ ഉപതെരഞ്ഞെടുപ്പ് വന്നത്. മെയ് 17 ന് എബനേസർ സ്കൂളിൽ വച്ചാണ് തിരഞ്ഞെടുപ്പ് നടക്കുക.
എൽഡിഎഫ് കൺവീനർ എം.വി വിദ്യാധരൻ സിപിഐ എം ജില്ലാ സെക്രട്ടറിയേറ്റ് അംഗം പി.ആർ പ്രസാദ്, കേരളാ കോണ്ഗ്രസ് നിയോജകമണ്ഡലം പ്രസിഡന്റ് ആലിച്ചൻ ആറൊന്നിൽ, പഞ്ചായത്ത് പ്രസിഡന്റ് ബിന്ദു വളയനാട്ട്, നിസാം കുട്ടി, വി.സി അലക്സാണ്ടർ എന്നിവർ സംസാരിച്ചു. ഭാരവാഹികളായി വി.ടി ലാലച്ചൻ (പ്രസിഡന്റ് ), വിജോയി ടി ഏബ്രഹാം, സി.പി സജി (വൈസ് പ്രസിഡന്റ്), അഡ്വ.ജേക്കബ് സ്റ്റീഫൻ (സെക്രട്ടറി), ജിജു തോമസ്, ടിബു പുരയ്ക്കൽ (ജോ. സെക്രട്ടറിമാർ )എന്നിവരെ തിരഞ്ഞെടുത്തു.
