പത്തനംതിട്ട : കേരള സ്റ്റേറ്റ് സര്വ്വീസ് പെന്ഷനേഴ്സ് അസ്സോസിയേഷന് സംസ്ഥാന പ്രസിഡന്റ് ആയിരുന്ന കെ.കരുണാകരന് പിള്ളയുടെ 5-ാം ചരമ വാര്ഷികത്തില് കെ.എസ്.എസ്.പി.എ ജില്ലാ കമ്മിറ്റിയുടെ നേതൃത്വത്തില് കെ.കരുണാകരന് പിള്ള അനുസ്മരണം നടത്തി. ജീവനക്കാരുടെയും പെന്ഷന്കാരുടെയും അവകാശ സമ്പാദനത്തിന് ധീര നേതൃത്വം നല്കിയ നേതാവായിരുന്നു കെ.കരുണാകരന്പിള്ള എന്ന് ജില്ലാ കോണ്ഗ്രസ് കമ്മിറ്റി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. കെ.കരുണാകരന്പിള്ള അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കേരളത്തിലെ ജീവനക്കാര്ക്കും അധ്യാപകര്ക്കും പെന്ഷന്കാര്ക്കും ഇന്ന് ലഭിച്ചുകൊണ്ടിരിക്കുന്ന പല ആനുകൂല്യങ്ങളും നേടിയെടുക്കാന് കരുണാകരന് പിള്ളയുടെ നേതൃത്വം ഉപകരിച്ചു എന്ന് യോഗം അഭിപ്രായപ്പെട്ടു. കേരളത്തിലെ ജീവനക്കാര്ക്കും പെന്ഷന്കാര്ക്കും കുടുംബ പെന്ഷന്കാര്ക്കും ഒരിക്കലും കെ.കരുണാകരന് പിള്ളയെ വിസ്മരിക്കാന് കഴിയില്ല എന്ന് സമ്മേളനം അനുസ്മരിച്ചു. കെ.എസ്.എസ്.പി.എ ജില്ലാ പ്രസിഡന്റ് ബിജിലി ജോസഫ് അദ്ധ്യക്ഷത വഹിച്ചു. എബ്രഹാം മാത്യു, എം.ആര് ജയപ്രസാദ്, ബി.നരേന്ദ്രനാഥ്, ഐസക്ക് ഫിലിപ്പ്, പി.മീരാപിള്ള, എം.പി മോഹനന്, ചെറിയാന് ചെന്നീര്ക്കര, ലീല രാജന്, എം.എ രാജന്, എം.മോഹനന് പിള്ള, വൈ.റഹീം റാവുത്തര്, റോയി തോമസ്, കെ.വി തോമസ് എന്നിവര് പ്രസംഗിച്ചു.
