മസ്കത്ത്: റോഡ് മുറിച്ചുകടക്കുന്നതിനിടെ വാഹനമിടിച്ച് കോട്ടയം സ്വദേശി മരിച്ചു. വെള്ളാവൂര് മണിമല കരിമ്പന്മാക്കല് ബിജോ ജോസഫ് (46) ആണ് മരിച്ചത്. കഴിഞ്ഞ 14നാണ് അപകടം സംഭവിച്ചത്.
ബിജോയെ കാണ്മാനില്ലാത്തതിനെ തുടര്ന്ന് നടത്തിയ അന്വേഷണത്തിലാണ് ഖൗല ആശുപത്രി മോര്ച്ചറിയില് മൃതദേഹം കണ്ടെത്തിയത്. ഗാലയിലെ ഹോട്ടലില് മാനേജര് വിസയില് ഇൗ വര്ഷം ആദ്യത്തിലാണ് ബിജോ ഒമാനിലെത്തിയത്. മാര്ച്ച് 13നാണ് വിസ അടിച്ചത്.
വിനീതയാണ് ഭാര്യ. മൂന്ന് പെണ്മക്കളുണ്ട്. മൃതദേഹം നാട്ടില് കൊണ്ടു പോകുന്നതിനുള്ള നടപടികള് നടക്കുന്നു.
