തിരുവനന്തപുരം: സിഎജി റിപോര്‍ട് ചോര്‍ചയില്‍ ധനമന്ത്രി ടി എം തോമസ് ഐസകിന് ക്ലീന്‍ ചിറ്റ്. ഐസക് സഭയുടെ അവകാശം ലംഘിച്ചില്ലെന്നു സമിതി അധ്യക്ഷന്‍ എ പ്രദീപ് കുമാര്‍. രഹസ്യ സ്വഭാവത്തെക്കുറിച്ചുള്ള സിഎജി സര്‍ക്കുലര്‍ എം എല്‍ എമാര്‍ക്ക് ബാധകമല്ല. സിഎജിയെ വിളിപ്പിക്കുന്ന കാര്യം സഭയ്ക്കു തീരുമാനിക്കാമെന്നും എ പ്രദീപ് കുമാര്‍ പറഞ്ഞു.
അതേസമയം സിഎജിയുടെ അഭിപ്രായം അറിയാതെ തോമസ് ഐസകിന് ക്ലീന്‍ ചിറ്റ് നല്‍കിയത് വിചിത്രമാണെന്ന് പ്രതിപക്ഷ നേതാവ് രമേശ് ചെന്നിത്തല അഭിപ്രായപ്പെട്ടു. ഐസകിന്റെ നടപടി അനുചിതം എന്ന വാചകം കമിറ്റി റിപോര്‍ടില്‍ നിന്ന് ഒഴിവാക്കിയെന്നു വി ഡി സതീശന്‍ പറഞ്ഞു.
