ഡല്ഹി: കാന്സര് രോഗത്തിനെതിരെ വികസിപ്പിച്ച മരുന്ന് കോവിഡ് ചികിത്സയില് ഫലപ്രദമെന്ന് പുതിയ കണ്ടെത്തല്. 2 ഡിഓക്സി-ഡി-ഗ്ലൂക്കോസ് ഓറല് പൗഡര്(2ഡിജി) എന്ന മരുന്നാണ് കോവിഡ് ചികിത്സക്ക് ഫലപ്രദമെന്ന് കണ്ടെത്തിയത്. കാന്സര് ബാധിച്ച കോശങ്ങളിലേക്കുള്ള ഗ്ലൂക്കോസ് വിതരണം തടഞ്ഞ് കാന്സര് ബാധിച്ച കോശങ്ങളെ നശിപ്പിക്കുകയാണ് 2ഡിജി ചെയ്യുന്നത്. 40 പേരില് നടത്തിയ പ്രാഥമിക പഠനം വിജയകരമായി പൂര്ത്തികരിച്ചിരുന്നു. ഇപ്പോള് കോവിഡ് ചികിത്സയിലും പ്രതീക്ഷ നല്കുന്നത് ഈ മരുന്നാണ്.
മൂന്നാംഘട്ട പരീക്ഷണത്തിനു നിര്ദേശിച്ചിരിക്കുകയാണ് ഡ്രഗ്സ് കണ്ട്രോള് ജനറല് ഓഫ് ഇന്ത്യ (ഡിസിജിഐ). മരുന്ന് ഉല്പാദനത്തിനും വിതരണത്തിനും അപേക്ഷ നല്കിയ ഹൈദരാബാദിലെ ഡോ. റെഡ്ഡീസ് കമ്പിനിയാണു മൂന്നാംഘട്ട പരീക്ഷണം നടത്തുക. അതേസമയം കാന്സര് ചികിത്സയിലും ഈ മരുന്നിന് അന്തിമ അനുമതിയായിട്ടില്ല.
