പാറ്റ്ന : പഞ്ചായത്ത് തെരഞ്ഞെടുപ്പില് തന്റെ തോല്വിക്ക് കാരണം ദലിത് സമുദായമാണെന്ന് ആരോപിച്ച് ദലിത് യുവാക്കളെ ക്രൂരമായി മര്ദിച്ച സ്ഥാനാര്ഥി അറസ്റ്റില്.ബല്വന്ത് സിംഗ് എന്നയാളാണ് അറസ്റ്റിലായത്. ബിഹാറിലെ ഔറംഗാബാദിലാണ് സംഭവം. വോട്ട് ചെയ്യാനായി പണം നല്കിയിട്ടും ഇവര് വോട്ട് ചെയ്തില്ലെന്ന് ഇയാള് ആരോപിക്കുന്നു. ഇയാള് ഒരു യുവാവിനെ ക്രൂരമായി മര്ദിച്ച ശേഷം നിലത്ത് തുപ്പി തുപ്പല് നക്കിയെടുപ്പിക്കുന്നതിന്റെയും, യുവാക്കളെ അസഭ്യം പറഞ്ഞ് ചെവിക്കു പിടിക്കുന്നന്നതിന്റെയും ദൃശ്യങ്ങള് പുറത്തു വന്നിരുന്നു.
എന്നാല് യുവാക്കള് മദ്യപിച്ച് ബഹളമുണ്ടാക്കിയെന്നാണ് ബല്വിന്തിന്റെ ആരോപണം. വീഡിയോ വൈറലായതിന് പിന്നാലെ ജില്ലാ പോലീസ് സൂപ്രണ്ട് കാന്തേഷ് കുമാര് മിശ്രയുടെ നിര്ദേശത്തെ തുടര്ന്ന് പോലീസ് ഇയാളെ അറസ്റ് ചെയ്യുകയായിരുന്നു. സംഭവം അന്വേഷിച്ച് തുടര് നടപടികള് സ്വീകരിക്കുമെന്ന് പോലീസ് സൂപ്രണ്ട് പറഞ്ഞു.
