ബെംഗളുരു : ഗള്ഫിലേക്ക് കടക്കാന് ശ്രമിക്കുന്നതിനിടെ പിടികൂടിയ കഞ്ചാവ് കേസിലെ പ്രതി കസ്റ്റഡിയില് നിന്ന് രക്ഷപ്പെട്ടു. എമിഗ്രേഷന് ഉദ്യോഗസ്ഥരുടെ കണ്ണുവെട്ടിച്ചാണ് തിരുവനന്തപുരം സ്വദേശി എം.കെ ബാബു രക്ഷപ്പെട്ടത്. കര്ണാടക പോലീസിന്റെ സഹായത്തോടെ എക്സൈസ് സംഘം തിരച്ചില് ആരംഭിച്ചു. ശനിയാഴ്ച വൈകീട്ട് അഞ്ച് മണിയോടെയാണ് പ്രതിയെ പിടികൂടിയതും പിന്നാലെ ഇയാള് കടന്നുകളഞ്ഞതും. കഴിഞ്ഞ നാല് വര്ഷമായി എക്സൈസ് സംഘം ഇയാളെ തിരയുകയായിരുന്നു. കഞ്ചാവ് അടക്കമുള്ള ലഹരിവസ്തുക്കള് മൊത്തക്കച്ചവടം നടത്തുന്നതില് പ്രതിയാണ് ബാബു. ഇയാള്ക്കെതിരെ നിരവധി കേസുകള് നിലവിലുണ്ട്. ലഹരിവസ്തുക്കള് മൊത്തമായി ഇറക്കി ചെറുകിട കച്ചവടക്കാര്ക്ക് വില്ക്കുകയാണ് ഇയാള്.
