കോട്ടയം : കഞ്ചാവുമായി അന്യ സംസ്ഥാന തൊഴിലാളി എക്സൈസ് സംഘത്തിന്റെ പിടിയില്. ആസാം ബര്പട്ടാ സര്ത്തേബരി ജബ്റികുച്ചി ഇന്ദ്രജിത്ത് സര്ക്കാര് (25) ആണ് എക്സൈസ് പിടിയിലായത്. ഇന്നലെ ഉച്ചകഴിഞ്ഞ് 2.45-നു നാട്ടകം സിമന്റ് കവലയില് നിന്നാണ് പ്രതിയെ പിടികൂടിയത്. എസ്പിയുടെ സ്ക്വാഡും എക്സൈസ് ഇന്റലിജന്സും കോട്ടയം സ്പെഷല് സ്ക്വാഡും സംയുക്തമായി ചേര്ന്നായിരുന്നു പരിശോധന. മൂന്നുകിലോഗ്രാം കഞ്ചാവ് ഇയാളില് നിന്ന് പിടിച്ചെടുത്തിട്ടുണ്ട്. നേരത്തെയും ഇന്ദ്രജിത്ത് കഞ്ചാവ് എത്തിച്ചതായി എക്സൈസ് കണ്ടെത്തിയിരുന്നു. തുടര്ന്ന്, ഒരു മാസമായി ഇയാള് എക്സൈസിന്റെ രഹസ്യനിരീക്ഷണത്തിലായിരുന്നു.
ഇതിനിടെയാണ് ഇയാള് കഞ്ചാവുമായി ട്രെയിന് മാര്ഗം എത്തുന്നതും എക്സൈസ് സംഘത്തിന്റെ പിടിയിലാകുന്നതും. എക്സൈസ് സ്പെഷല് സ്ക്വാഡ് സര്ക്കിള് ഇന്സ്പെക്ടര് എം. സൂരജ്, കമ്മിഷണര് സ്ക്വാഡ് ഇന്സ്പെക്ടര് വൈശാഖ് വി പിള്ള, കമ്മീഷണര് സ്ക്വാഡ് അസിസ്റ്റന്റ് എക്സൈസ് ഇന്സ്പെക്ടര് ഫിലിപ്പ് തോമസ്, എക്സൈസ് സ്പെഷ്യല് സ്ക്വാഡ് പ്രിവന്റീവ് ഓഫീസര് കെ.രാജീവ്, കമ്മീഷണര് സ്ക്വാഡ് അംഗങ്ങളായ കെ.എന് സുരേഷ് കുമാര്, എം.അസീസ് തുടങ്ങിയവര് റെയ്ഡില് പങ്കെടുത്തു. പ്രതിയെ കോടതിയില് ഹാജരാക്കി.
