കൊച്ചി : ചേരാനെല്ലൂരില് നാലു കിലോ കഞ്ചാവുമായി യുവാവ് പിടിയില്. ചേരാനെല്ലൂര്, വടുതല പൊഴമംഗലത്ത് വീട്ടില് ജോസഫ് ജിബിന് ജോണ്(24) ആണ് പിടിയിലായത്. വടക്കേകുന്നംപുറം ബ്രഹ്മ്സഥാനത്ത് റോഡരുകില് വെച്ച് ഇന്നു പുലര്ച്ചെ ചേരാനെല്ലൂര് പോലിസ് സ്റ്റേഷന് ഇന്സ്പെക്ടര്മാരായ സന്തോഷ് മോന്, എ കെ എല്ദോ എന്നിവരുടെ നേതൃത്വത്തിലുള്ള പോലിസ് ആണ് ഇയാളെ അറസ്റ്റു ചെയ്തത്.
ഇയാളുടെ കൈയ്യില് ഒളിപ്പിച്ചിരുന്ന ബിഗ് ഷോപ്പര് ബാഗില് നിന്നാണ് നാലു കിലോ കഞ്ചാവ് കണ്ടെടുത്തതെന്ന് പോലിസ് പറഞ്ഞു. വര്ധിച്ചുവരുന്ന കഞ്ചാവ് വില്പനയും ഉപയോഗവും തടയുന്നതിനായി വരും ദിവസങ്ങളില് ശക്തമായ നടപടികള് ഉണ്ടാകമെന്ന് ഡിസിപി ഐശ്വര്യ പ്രശാന്ത് വ്യക്തമാക്കി.
