കൊല്ലം : ഉളിയക്കോവില് വീടിനുള്ളില് സൂക്ഷിച്ച 33 കിലോ കഞ്ചാവ് എക്സൈസ് പിടികൂടി. സംഭവവുമായി ബന്ധപ്പെട്ട് ഉളിയക്കോവില് സ്വദേശി നവാസ്, താമരക്കുളം സ്വദേശി സുധീര് എന്നിവരെ പോലീസ് അറസ്റ്റ് ചെയ്തു. മുഖ്യ പ്രതിക്കായി തെരച്ചില് തുടരുന്നു. ഉളിയക്കോവില് കച്ചികടവ് ജംഗഷനില് ശ്രീ ഭദ്രാനഗര് 198 കണ്ണമത്ത് തെക്കതില് വീടിന്റെ വളപ്പില് ആണ് കഞ്ചാവ് കണ്ടെത്തിയത്. ചാക്കിലാക്കി ഓലകൊണ്ട് മറച്ച് സൂക്ഷിച്ച നിലയിലായിരുന്നു കഞ്ചാവ്.
മലക്കറി എന്ന വ്യാജേനെ ആന്ധ്രയില് നിന്നാണ് കഞ്ചാവ് കടത്തിയതെന്ന് പ്രതികള് എക്സൈസിനോട് പറഞ്ഞു. കൊല്ലം എക്സൈസ് ഇന്സ്പെക്ടര് റ്റി.രാജു, അസിസസ്റ്റന്റ് ഇന്സ്പെക്ടര് ഗ്രേഡ് ബി സന്തോഷ് പി, സുരേഷ്കുമാര്, സിഇഒമാരായ ജയകൃഷ്ണന് ഷിബിന്ലാല്, ശ്രീവാസ്, ശ്യാംകുമാര്, ലനിതാ സിഇഒ മാരായ ഷീജാകുമാരി, ബിന്ദുലേഖ തുടങ്ങിയവരാണ് പ്രതികളെ പിടികൂടിയത്. പ്രതികളെ കോടതിയില് ഹാജരാക്കും.
