തിരുവനന്തപുരം: കഞ്ചാവ് ചെടികള് നട്ടു വളര്ത്തിയ ആള് അറസ്റ്റില്.
ആര്യനാട് കോട്ടയ്ക്കകത്തു നിന്നും പാളയത്തിന്മുകളില് താമസിക്കുന്ന രാജേഷ് എന്നപേരില് അറിയപ്പെടുന്ന ജലാലുദ്ദീന് (30) ആണ് അറസ്റ്റിലായത്. കൂടുതല് ലാഭം കിട്ടാന് ഇയാള് കഞ്ചാവ് ചെടികള് നട്ടുവളര്ത്തി കഞ്ചാവ് കച്ചവടം നടത്തിയിരുന്നതായി പൊലീസ് പറഞ്ഞു.ഉത്സവങ്ങളോടനുബന്ധിച്ചുള്ള സ്പെഷ്യല് ഡ്രൈവിന്റെ ഭാഗമായി രഹസ്യ വിവരത്തിന്റെ അടിസ്ഥാനത്തില് നടത്തിയ റെയ്ഡിലാണ് യുവാവിനെ പിടികൂടിയത്. പ്രിവന്റീവ് ഓഫിസര്മാരായ ബിജുകുമാര്, പ്രേമനാഥന്, സിവില് എക്സൈസ് ഓഫിസര് കിരണ്, വനിതാ സിവില് എക്സൈസ് ഓഫിസര്മാരായ ഗീതാകുമാരി, ഷീജാകുമാരി എന്നിവര് റെയ്ഡില് പങ്കെടുത്തു.
