മുംബൈ : നാല് കോടി രൂപ വിലമതിക്കുന്ന 210 കിലോ കഞ്ചാവുമായി ഒരാള് അറസ്റ്റില്. അന്തര്സംസ്ഥാന മയക്കുമരുന്ന് കടത്തുമായി ബന്ധപ്പെട്ട് ലഭിച്ച രഹസ്യ വിവരത്തിന്റെ അടിസ്ഥാനത്തില് നാര്ക്കോട്ടിക് കണ്ട്രോള് ബ്യൂറോ നടത്തിയ പരിശോധനയിലാണ് പ്രതി പിടിയിലായത്. മുംബൈ-പൂനെ ഹൈവേയിലാണ് ഉദ്യോഗസ്ഥര് പരിശോധന നടത്തിയിരുന്നത്. മഹാരാഷ്ട്രയിലെ റായ്ഗഡ് ജില്ലയിലെ ഖോപോളി മേഖലയിലാണ് സംഭവം.
98 പാക്കറ്റുകളിലായാണ് കഞ്ചാവ് കണ്ടെത്തിയത്. ആന്ധ്രാപ്രദേശ്-ഒഡീഷ അതിര്ത്തിയില് നിന്നാണ് കഞ്ചാവ് എത്തിച്ചത്. പൂനെയിലേക്കും ഗോവന്ദി, മാന്ഖുര്ദ് തുടങ്ങിയ പ്രദേശങ്ങളിലേക്കും കടത്താനുള്ളവയായിരുന്നു ഇവ. പ്രതി കഴിഞ്ഞ കുറച്ച് വര്ഷങ്ങളായി ഈ പ്രദേശങ്ങളില് ലഹരി വില്പ്പന നടത്തുന്നുണ്ടെന്ന് ഉദ്യോഗസ്ഥര് പറഞ്ഞു.
