പാലാ: ചേര്‍പ്പുങ്കലില്‍ നിയന്ത്രണം വിട്ട കാര്‍ ഹോട്ടലിലേക്ക് ഇടിച്ച് കയറി. കടയ്ക്കുള്ളില്‍ ഭക്ഷണം കഴിക്കുകയായിരുന്ന ഒരു കുട്ടിക്ക് ചില്ല് തെറിച്ചുവീണു പരിക്കേറ്റു. തിങ്കളാഴ്ച രാവിലെ 11.30 നായിരുന്നു സംഭവം. മാര്‍സ്ലീവാ ഷോപ്പിംഗ് കോംപ്ലക്സിലെ ഹോട്ടലിന് മുന്നിലായിരുന്നു അപകടം. നിയന്ത്രണം വിട്ട കാര്‍ ഹോട്ടലിന്‍റെ ചില്ല് തകര്‍ത്ത് ഉള്ളിലേക്ക് പാഞ്ഞു കയറുകയായിരുന്നു. മൂന്നിലവ് സ്വദേശികളായ ദമ്പതികള്‍ സഞ്ചരിച്ചിരുന്ന വാഗണ്‍ആര്‍ കാറാണ് അപകടത്തില്‍പെട്ടത്. പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു.
