ചെന്നൈ: കാറും ട്രക്കും കൂട്ടിയിടിച്ച് ആറ് യുവാക്കൾക്ക് ദാരുണാന്ത്യം. കുറ്റാലം വെള്ളച്ചാട്ടം കണ്ട് മടങ്ങി വരുമ്പോഴായിരുന്നു അപകടം സംഭവിച്ചത്. ഇന്ന് രാവിലെ തെങ്കാശിയിൽ വെച്ചായിരുന്നു അപകടമുണ്ടായത്. കാറിൽ ഉണ്ടായിരുന്ന ആറ് പേരും സംഭവ സ്ഥലത്ത് വെച്ചുതന്നെ മരിച്ചു. വാടകയ്ക്കെടുത്ത കാറിലായിരുന്നു യുവാക്കൾ അവധിദിനം ആഘോഷിക്കാൻ എത്തിയത്.
അപകടത്തെ തുടർന്ന് വാഹനത്തിനുള്ളിൽ കുടുങ്ങിപ്പോയ ആറുപേരെയും ഏറെ ശ്രമപ്പെട്ടാണ് പുറത്തെടുത്തത്. കാർത്തിക്ക്, മനോജ്, പോത്തിരാജ്, , മനോ സുബ്രഹ്മണ്യം, സുബ്രഹ്മണ്യം എന്നിവരാണ് മരിച്ചത്. യുവാക്കളുടെ മൃതദേഹങ്ങൾ തിരുനെൽവേലി സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റ് മോർട്ടം നടപടികൾ പൂർത്തിയാക്കിയ ശേഷം മൃതദേഹം നാളെ ബന്ധുക്കൾക്ക് വിട്ടുനൽകും.
