കൊട്ടാരക്കര : പനവേലില് വാഹനാപകടത്തില് ദമ്പതികള് മരിച്ചു. പന്തളം കുരമ്പാല സ്വദേശികളായ നാസര്, ഭാര്യ സാജില എന്നിവരാണ് മരിച്ചത്. അപകടത്തില് ഗുരുതരമായി പരിക്കേറ്റ ഇവരുടെ മകള് സുമയ്യയെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.
മൂവരും സഞ്ചരിച്ചിരുന്ന കാര് കെഎസ്ആര്ടിസി ബസുമായി കൂട്ടിയിടിച്ചാണ് അപകടമുണ്ടായത്. കാര് അമിതവേഗത്തിലെത്തി ബസിലേക്ക് ഇടിച്ചുകയറുകയായിരുന്നുവെന്ന് സിസിടിവി ദൃശ്യങ്ങളില് വ്യക്തമാണ്. സംഭവ സ്ഥലത്ത് തന്നെ ദമ്പതികള് മരിച്ചു. കാര് വെട്ടിപ്പൊളിച്ചാണ് ഒരു മൃതദേഹം പുറത്തെടുത്തത്. അപകടത്തില് കാര് പൂര്ണമായും തകര്ന്നു.