റാന്നി: ശബരിമല തീര്ത്ഥാടകര് സഞ്ചരിച്ച കാര് വൈദ്യുതി തൂണില് ഇടിച്ച് അപകടം. പെരുനാട് കൂനങ്കര ശബരി ശരണാശ്രമത്തിനു സമീപം ശബരിമലയില് പോയി തിരികെ എത്തിയ അന്ധ്രാപ്രദേശില് നിന്നുമുള്ള തീര്ത്ഥാടകരാണ് അപകടത്തിൽ പെട്ടുത്. നിസ്സാര പരുക്കുകളോടെ തീര്ത്ഥാടകര് രക്ഷപ്പെട്ടു. ഡ്രൈവര് ഉറങ്ങിയതാണ് കാരണം. റോഡ് വശത്തു നിന്ന വൈദ്യുതി തൂണില് ഇടിച്ചത് കൊണ്ട് വാഹനം താഴേക്ക് പതിക്കാതെ നിന്നു.
അപകടം നടന്നതിന് സമീപം താഴ്ചയുള്ള, പാറകെട്ടുകൾ ഉള്ള വലിയ തോടായിരുന്നു. തൂണില് ഇടിച്ചില്ലായിരുന്നെങ്കില് വാഹനം തോട്ടില് പതിക്കുമായിരുന്നു. അങ്ങനെ എങ്കില് വന് ദുരന്തം സംഭവിക്കുമായിരുന്നു. പോലീസ്, മോട്ടോർ വാഹന വകുപ്പ് എത്തി നടപടി സ്വീകരിച്ചു. ഭക്തരെ പ്രാഥമിക ചികിത്സയ്ക്കായി ആശുപത്രിയിൽ പ്രവേശിപ്പിച്ചു.
