നെയ്യാറ്റിന്കര : ഓടിക്കൊണ്ടിരുന്ന ഫോര്ഡ് കാറിന് തീപിടിച്ചു. നെയ്യാറ്റിന്കര ടി ബി ജംഗ്ഷന് സമീപത്തായിരുന്നു സംഭവം. പുതിയതുറ സ്വദേശി ജോയിയും സുഹൃത്തും സഞ്ചരിക്കവേയാണ് കാർ അഗ്നിക്കിരയായത്. എ സി തകരാറിലായത് കൊണ്ട് കാർ നന്നാക്കാന് എത്തിയതായിരുന്നു ഇവര്. കാർ ഏറെക്കുറെ കത്തിനശിച്ചു.
കാർ നന്നാക്കി കിട്ടിയ ശേഷം ഭക്ഷണം കഴിക്കാന് പോകും വഴിയിലാണ് അപകടം. കാറിൽ നിന്ന് പുക ഉയരുന്നതു കണ്ടയുടനെ ഇവര് ചാടിയിറങ്ങിയത് കൊണ്ട് വന് അപകടം ഒഴിവായി. അഗ്നിശമന സേനയെത്തി വാഹനത്തിലെ തീ അണച്ചു.
