ലക്നോ : ഉത്തർപ്രദേശിൽ കാർ നിർത്തിയിട്ടിരുന്ന ട്രക്കുമായി കൂട്ടിയിടിച്ച് ഏഴ് വയസുകാരി ഉൾപ്പടെ മൂന്നുപേർ കൊല്ലപ്പെട്ടു. ആറുപേർക്ക് പരിക്കേറ്റു. വിവാഹ ചടങ്ങിൽ പങ്കെടുത്ത് മടങ്ങുകയായിരുന്ന സംഘമാണ് കാറിലുണ്ടായിരുന്നത്.
കാറിന്റെ ഡ്രൈവർ ഉറങ്ങിപ്പോയതാണ് അപകടകാരണമെന്ന് സർക്കിൾ ഓഫീസർ (സിഒ), അവധേഷ് കുമാർ വിശ്വകർമ പറഞ്ഞു. പരിക്കേറ്റ യാത്രക്കാരെ ജില്ലാ ആശുപത്രിയിൽ പ്രവേശിപ്പിച്ചു. പരിക്കേറ്റ ആറ് പേരിൽ നാല് പേരുടെ ആരോഗ്യനില ഗുരുതരമാണെന്ന് വിശ്വകർമ പറഞ്ഞു. സംഭവത്തിൽ കേസെടുത്തിട്ടുണ്ടെന്നും അദ്ദേഹം വ്യക്തമാക്കി.
