നിടുംപൊയില് : നിടുംപൊയില് ഇരുപത്തിയെട്ടാം മൈലിന് സമീപം കാര് കത്തി നശിച്ചു. കണ്ണൂര് അഴീക്കോട് സ്വദേശി സുധീഷിന്റെ മഹിന്ദ്ര വെറിറ്റോ കാറാണ് ഇന്നലെ പുലര്ച്ചെ കത്തി നശിച്ചത്. അഴീക്കോട് നിന്നും മാനന്തവാടി കേണിച്ചിറയിലേക്ക് പോവുകയായിരുന്നു യുവാവ്. വാഹനത്തില് നിന്നും പുക ഉയരുന്നത് കണ്ട് കാറിലുണ്ടായിരുന്നവര് പുറത്തിറങ്ങിയതോടെ തീ ആളിപ്പടര്ന്നു. പേരാവൂരില് നിന്നും ഫയര്ഫോഴ്സ് സംഘം എത്തിയാണ് തീ അണച്ചത്. കാര് പൂര്ണ്ണമായും കത്തിനശിച്ചു.
