റാന്നി : പൊന്തന്പുഴ വനത്തില് കാര് കത്തി. യാത്രക്കാര് അത്ഭുതകരമായി രക്ഷപെട്ടു. തിരുവനന്തപുരത്തു നിന്നും കോയമ്പത്തൂർ വഴി ചെന്നൈക്ക് ജോലിക്ക് പോവുകയായിരുന്ന കുടുംബം സഞ്ചരിച്ചിരുന്ന കാർ ആണ് അപകടത്തിൽപ്പെട്ടത്. തിരുവനന്തപുരം സ്വദേശിനിയായ പ്രീതി നായർ (30), ഭർത്താവ് പ്രണോബ് ജയപ്രകാശ്, ഇവരുടെ ഒരു വയസുള്ള കുട്ടി എന്നിവരാണ് വണ്ടിയിൽ ഉണ്ടായിരുന്നത്.
ഇന്നലെ രാത്രി 1.30 ഓടെ ആണ് സംഭവം. പ്ലാച്ചേരിയിൽ നിന്നും പൊന്തൻപുഴയിലേക്ക് വരുന്ന വഴി കാറിന്റെ ബോണറ്റിൽ നിന്നു പുക ഉയരുന്നത് കണ്ട് പ്രണോബ് കാർ നിർത്തി എല്ലാവരും പുറത്ത് ഇറങ്ങുകയായിരുന്നു. അവരുടെ അത്യാവശ്യ സാധനങ്ങളും കാറിൽ നിന്നു മാറ്റിയിരുന്നു. അപ്പോഴേക്കും കാറിന്റെ മുമ്പില് നിന്നും തീ പടർന്നിരുന്നു. കാര് പൂര്ണ്ണമായി കത്തി നശിച്ചു.
