തിരുവല്ല : ദേശീയപാതയില് കാറും മിനിലോറിയും കൂട്ടിയിടിച്ചുണ്ടായ അപകടത്തില് കാര് ഓടിച്ചിരുന്ന സൈനികന് മരിച്ചു. തകഴി പടഹാരം കായിത്തറ ചാക്കോ ജോസഫിന്റെ മകന് ബിനു ചാക്കോ (39) യാണ് മരിച്ചത്. കണിച്ചുകുളങ്ങര ഓട്ടോകാസ്റ്റിന് മുന്വശത്തായിരുന്നു അപകടം. ആസാമില് ജോലി ചെയ്യുന്ന ബിനു ചാക്കോ കഴിഞ്ഞ 12-ന് നാട്ടില് വന്നതാണ്. അവധി കഴിഞ്ഞ് ജോലി സ്ഥലത്തേക്ക് മടങ്ങുകയായിരുന്നു. പൊള്ളാച്ചിയില് നിന്ന് തേങ്ങയുമായി തിരുവനന്തപുരത്തേക്ക് പോവുകയായിരുന്നു മിനിലോറി. ഇടിയുടെ ആഘാതത്തില് കാറിന്റെ മുന്വശം പൂര്ണമായും തകര്ന്നു.
ഉടന് തന്നെ വണ്ടാനം മെഡിക്കല് കോളജില് എത്തിച്ചെങ്കിലും ജീവന് രക്ഷിക്കാനായില്ല. ബിനു കരസേനയില് നായിബ് സുബേദറായിരുന്നു. അമ്മ: തങ്കമ്മ. ഭാര്യ: ഷൈനി (അധ്യാപിക, ദേവമാതാ സ്കൂള്, ചേന്നങ്കരി). മക്കള്: ബിയോണ്, ഷാരോണ്. സംസ്കാരം ഇന്ന് മൂന്നിന് പടഹാരം സെന്റ് ജോസഫ് പള്ളിയില് നടക്കും.
