നീണ്ടകര : വാഴക്കുലയുമായി വന്ന ലോറിയും കാറും കൂട്ടിയിടിച്ച് അഞ്ചുപേര്ക്ക് പരിക്കേറ്റു. അപകടത്തെ തുടര്ന്ന് ഒരു മണിക്കൂറോളം ഗതാഗത തടസ്സമുണ്ടായി. ഞായറാഴ്ച രണ്ടിന് ദേശീയപാതയില് നീണ്ടകര ചീലാന്തിമുക്കിനു സമീപമാണ് അപകടമുണ്ടായത്. ലോറി ഡ്രൈവര് വടക്കേവിള സുജാസ് മന്സിലില് അജാസ് (26), ലോറിയിലുണ്ടായിരുന്ന ചന്ദനത്തോപ്പ് പുത്തന്വിളവീട്ടില് വേണുഗോപാല് (57), അയത്തില് വലിയവീട്ടില് തെക്കതില് മുഹമ്മദ് കബീര് (58), കാര് യാത്രികരായ വര്ക്കല സ്വദേശി ബിജോയി (45), നിലമേല് സ്വദേശി ഷാദ് (46) എന്നിവര്ക്കുമാണ് പരിക്കേറ്റത്.
കൊല്ലത്തുനിന്ന് ചവറയിലേക്കു വരികയായിരുന്ന ലോറിയും എതിരെ വന്ന കാറും കൂട്ടിയിടിക്കുകയായിരുന്നു. ഇടിയുടെ ആഘാതത്തില് കാര് ദേശീയപാതയുടെ ഒരു ഭാഗത്തെ താഴ്ചയിലേക്ക് തെന്നിമാറി. കാറിന്റെയും ലോറിയുടെയും മുന്വശം പൂര്ണമായും തകര്ന്നു. വിവരമറിഞ്ഞ് ചവറയില്നിന്ന് പോലീസും അഗ്നിരക്ഷാസേനയും സ്ഥലത്തെത്തി. ദേശീയപാതയില്നിന്ന് ലോറി മാറ്റാന് കഴിയാഞ്ഞതിനെ തുടര്ന്ന് കൊല്ലത്തുനിന്ന് പോലീസിന്റെ ക്രെയിന് കൊണ്ടുവന്നാണ് ദേശീയപാതയില്നിന്ന് ലോറി നീക്കം ചെയ്തത്. പരിക്കേറ്റവരെ ചവറ അഗ്നിരക്ഷാ യൂണിറ്റിന്റെ ആംബുലന്സില് ആശുപത്രിയിലെത്തിച്ചു.
