മല്ലപ്പള്ളി : പമ്പിങ് മോട്ടോര് അടിച്ചു മാറ്റി വില്പ്പന നടത്തിയ രണ്ടു പേരെ പോലീസ് അറസ്റ്റ് ചെയ്തു. കൃഷിസ്ഥലത്തേയ്ക്ക് വെള്ളമെത്തിക്കുന്ന പമ്പുകളാണ് പട്ടാപ്പകല് മോഷണം നടത്തി ആക്രിക്കടയില് വില്പന നടത്തിയത്. വായ്പ്പൂര് പാലയ്ക്കല് പാലത്താനം കോളനി പള്ളിത്താളെ അനീഷ്കുമാര്, കുളത്തൂര് നെടുംമ്പാല നെല്ലിമലയില് ടി.ആര് വിനീഷ് എന്നിവരെയാണ് അറസ്റ്റ് ചെയ്തത്.
കഴിഞ്ഞ വെള്ളിയാഴ്ചയായിരുന്നു മോഷണം നടത്തിയത്. മോഷ്ടിച്ച പമ്പ് സെറ്റുകള് മൂശാരിക്കവലയിലെ ആക്രിക്കടയില് 1000രൂപയ്ക്ക് വില്ക്കുകയാണ് ചെയ്തത്. തീരമല്ലിപ്പടി തേവന്കരയിലെ പമ്പ് ഹൗസിലെ മോട്ടറായിരുന്നു ഇവിടെ കച്ചവടം നടത്തിയത്. പ്രതികളെ പിടികൂടിയ പോലീസ് ആക്രക്കടയില് നിന്ന് തൊണ്ടി മുതല് കണ്ടെടുത്തു. പ്രതികളെ കോടതി റിമാന്ഡ് ചെയ്തു.
