കോഴിക്കോട് : കോഴിക്കോട് കോര്പ്പറേഷനിലെ സങ്കര്ഷത്തില് 37പേര്ക്കെതിരെ കേസ്. പഞ്ചാബ് നാഷണല് ബാങ്ക് അക്കൗണ്ട് തട്ടിപ്പുമായി ബന്ധപ്പെട്ട് കോഴിക്കോട് കോര്പ്പറേഷന് കൗണ്സില് യോഗത്തിലുണ്ടായ സംഘര്ഷത്തില് എല്ഡിഎഫ്, യുഡിഎഫ് പ്രവര്ത്തകര്ക്കെതിരെ പോലീസ് കേസെടുത്തു. 25 എല്ഡിഎഫ് പ്രവര്ത്തകര്ക്കും 12 യുഡിഎഫ് പ്രവര്ത്തകര്ക്കും എതിരെയാണ് ടൗണ് പോലീസ് കേസെടുത്തത്. പി എന് ബി തട്ടിപ്പുമായി ബന്ധപ്പെട്ട് കൗണ്സില് യോഗത്തിലുണ്ടായ പ്രതിഷേധത്തിന് പിന്നാലെ കോര്പ്പറേഷനുള്ളില് എല്ഡിഎഫ് – യുഡിഎഫ് പ്രവര്ത്തകര് തമ്മില് ഏറ്റുമുട്ടുകയായിരുന്നു.
കൗണ്സില് യോഗത്തില് പ്രതിഷേധിച്ച പതിനഞ്ച് യുഡിഎഫ് കൗണ്സിലര്മാരെ മേയര് സസ്പെന്റ് ചെയ്തിരുന്നു. പിഎന്ബി അക്കൗണ്ട് തട്ടിപ്പിനെ ചൊല്ലി കോഴിക്കോട് നഗരസഭയില് യുഡിഎഫും ബിജെപിയും പ്രതിഷേധം നടത്തിയിരുന്നു. ഇതിന് ശേഷമാണ് നഗരസഭാ മന്ദിരത്തിന് അകത്ത് കൂട്ടത്തല്ലുണ്ടായത്. ദൃശ്യങ്ങള് പകര്ത്തിയ മാധ്യമപ്രവര്ത്തകര്ക്കു നേരെയും കയ്യേറ്റമുണ്ടായി.
