കൊച്ചി : തൃക്കാക്കര ഉപതെരഞ്ഞെടുപ്പ് പ്രചാരണത്തിനിടെ മുഖ്യമന്ത്രി പിണറായി വിജയനെ അധിക്ഷേപിച്ച കെപിസിസി പ്രസിഡന്റ് കെ സുധാകരനെതിരെ പോലീസ് കേസെടുത്തു. ഐപിസി 153-ാം വകുപ്പ് പ്രകാരം വിദ്വേഷ പ്രസംഗത്തിനാണ് പാലാരിവട്ടം പോലീസ് കേസെടുത്തത്. സിപിഐ എം പ്രവര്ത്തകരുടെ പരാതിയിലാണ് നടപടി.
കേരളത്തിലെ മുഖ്യമന്ത്രി ‘‘ചങ്ങല പൊട്ടിച്ച് നടക്കുന്ന പട്ടി ’’ ആണെന്നാണ് ഓണ്ലൈന് മാധ്യമത്തിന് നല്കിയ അഭിമുഖത്തില് കെ സുധാകരന് അപഹസിച്ചത്. സുധാകരന്റെ പരാമര്ശത്തിനെതിരെ വ്യാപക പ്രതിഷേധം ഉയര്ന്നു. ഇതിന് പിന്നാലെ മലബാറിലെ ഒരു നാട്ടുശൈലിയാണ് താന് പറഞ്ഞതെന്നും പരാമർശത്തിൽ മുഖ്യമന്ത്രിക്കു ബുദ്ധിമുട്ട് തോന്നിയെങ്കിൽ പിൻവലിക്കുന്നുവെന്നും സുധാകരന് പറഞ്ഞിരുന്നു.
