തൊടുപുഴ: ഇടുക്കിയിലെ അരിക്കൊമ്പന് എന്ന കാട്ടാനയെ പിടികൂടാനുള്ള ‘ഓപ്പറേഷന് അരിക്കൊമ്പന്’ ദൗത്യം നിര്ത്തിവയ്ക്കാന് ഹൈക്കോടതി ഉത്തരവ് വന്നതിന് പിന്നാലെ പ്രതിഷേധവുമായി പ്രദേശവാസികള്. അരിക്കൊമ്പനെ പിടികൂടണമെന്ന് ആവശ്യപ്പെട്ട് പന്തം കൊളുത്തി പ്രതിഷേധവുമായാണ് പ്രദേശവാസികള് രംഗത്തെത്തിയത്. ജനകീയ സമിതിയുടെ നേതൃത്വത്തില് വൈകീട്ട് ശാന്തന്പാറയിലും സൂര്യനെല്ലിയിലും നാട്ടുകര് പ്രതിഷേധിച്ചു. ആനയെ എത്രയും പെട്ടെന്ന് പിടികൂടണമെന്ന് നാട്ടുകാര് ശക്തമായി ആവശ്യപ്പെട്ടു.
ഞായറാഴ്ച അരിക്കൊമ്പനെ മയക്കുവെടി വച്ച് പിടികൂടാനുള്ള വനം വകുപ്പിന്റെ ദൗത്യം ഹൈക്കോടതി ഇടപെടലിനെത്തുടര്ന്ന് മാറ്റിവച്ചിരുന്നു. മൃഗ സംരക്ഷണ സംഘടന സമര്പ്പിച്ച ഹര്ജിയിലായിരുന്നു ഹൈക്കോടതി ഉത്തരവ്. ആനയെ പിടികൂടുകയെന്നത് അവസാന നടപടിയെന്ന് നിരീക്ഷിച്ച ഹൈക്കോടതി, ബദല് മാര്ഗങ്ങള് പരിശോധിക്കണമെന്നും നിര്ദ്ദേശിച്ചു. കോളര് ഘടിപ്പിക്കുക, ആനയെ ട്രാക്ക് ചെയ്യുക തുടങ്ങി മാര്ഗങ്ങളുണ്ട്. ഇതൊന്നും ചെയ്യാതെ നടപടികള് പൂര്ത്തിയാക്കും മുമ്പ് ആനയെ പിടികൂടുകയെന്നതിലേക്ക് എങ്ങനെയാണ് കടന്നതെന്നും കോടതി ആരാഞ്ഞു.