ന്യൂഡല്ഹി : സിബിഎസ്ഇ 10, 12 ക്ലാസുകളിലെ പ്രാക്ടിക്കല് പരീക്ഷ മാര്ച്ച് 2 ന് ആരംഭിക്കും. സ്കൂളുകളില് പ്രാക്ടിക്കല് പരീക്ഷ മാര്ച്ച് 2 ന് ആരംഭിക്കണം. ക്ലാസ് പരീക്ഷ തുടങ്ങുന്നതിന് പത്ത് ദിവസം മുന്പ് പ്രാക്ടിക്കല് എക്സാം തീര്ക്കണമെന്നുമാണ് നിര്ദേശം. 12ാം ക്ലാസ് പ്രാക്ടിക്കല് പരീക്ഷയ്ക്ക് പുറത്തുനിന്ന് നിരീക്ഷകരുണ്ടാകും. 10 വിദ്യാര്ത്ഥികള് വീതം ഉള്പ്പെടുന്ന ബാച്ചായി തിരിച്ച് ലാബില് പരീക്ഷ നടത്തണം. പ്രാക്ടിക്കല്, ഇന്റേണല് അസസ്മെന്റ് മാര്ക്കുകള്, ക്ലാസ് അവസാനിക്കുന്നതിന് മുന്പ് അപ്ലോഡ് ചെയ്യണം.
അതിനിടെ സിബിഎസ്ഇ ആദ്യ ടേം പരീക്ഷഫലത്തിനായുള്ള കാത്തിരിപ്പ് നീളുകളായണ്. ഡിസംബര് 22നാണ് പരീക്ഷ കഴിഞ്ഞത്. ജനുവരി ആദ്യം ഫലം പ്രഖ്യാപിക്കുമെന്നാണ് ആദ്യം പറഞ്ഞിരുന്നത്, ഓഫിസ് ജീവനക്കാരില് പലര്ക്കും കോവിഡ് ബാധിച്ചത് നടപടികള് തടസപ്പെടുത്തിയെന്നായിരുന്നു സിബിഎസ്ഇയുടെ വിശദീകരണം. എന്നാല് കോവിഡ് വ്യാപനം കുറഞ്ഞിട്ടും ഫലം വന്നില്ല.