ന്യുഡല്ഹി : സി.ബി.എസ്.ഇ 10, 12 ക്ലാസുകളില് അവശേഷിക്കുന്ന പരീക്ഷകളുടെ പുതുക്കിയ തീയതി ഇന്ന് പ്രഖ്യാപിക്കും. വൈകിട്ട് അഞ്ചു മണിക്കാണ് പ്രഖ്യാപനമെന്ന് കേന്ദ്രമന്ത്രി രമേശ് പൊക്രിയാല് പറഞ്ഞു. കൊവിഡ് രോഗവ്യാപനത്തെ തുടര്ന്നാണ് പരീക്ഷകള് മുടങ്ങിയത്. മാര്ച്ച് പകുതിക്ക് ശേഷം രാജ്യത്തെ സ്കൂള്, കോളജ് തലങ്ങളിലുള്ള മുഴുവന് പരീക്ഷകളും മാറ്റിവെച്ചിരിക്കുകയാണ്.
കൊവിഡ് ലോക്ഡൗണിന് നാലാം ഘട്ടത്തില് ഇളവ് നല്കുന്നതോടെ ജൂലായ് ആദ്യവാരം പരീക്ഷ നടക്കുമെന്നാണ് സൂചന. 10, 12 ക്ലാസുകളിലായി 29 ഓളം വിഷയങ്ങളിലാണ് പരീക്ഷ നടക്കാനുള്ളത്. 12ാം ക്ലാസിലെ 12 വിഷയങ്ങളിലും വടക്കു കിഴക്കന് ഡല്ഹിയില് 10ാം ക്ലാസ് പരീക്ഷയും വൈകാതെ നടത്തുമെന്ന് കേന്ദ്രമന്ത്രി നേരത്തെ വ്യക്തമാക്കിയിരുന്നു.
