ബംഗളൂരു: സുഹൃത്തിന്റെ പിറന്നാള് പാര്ട്ടിയില് പങ്കെടുക്കാന് വന്ന പോലീസുകാരനെ ആക്രമിച്ചു. കര്ണാടകയിലെ ഹാസന് ജില്ലയിലാണ് സംഭവം. ശരത്ത് എന്ന പോലീസുകാരനെയാണ് സംഘം ചേര്ന്ന് മര്ദ്ദിച്ചത്. ഇതിന്റെ സിസിടിവി ദൃശ്യങ്ങള് ഇപ്പോള് സമൂഹമാധ്യമങ്ങളില് പ്രചരിക്കുന്നുണ്ട്. പിറന്നാള് പാര്ട്ടിക്കിടെ ഒരു കൂട്ടം യുവാക്കള് പോലീസുകാരനെ പാര്ട്ടിനടക്കുന്ന ഹോളില് വെച്ച് മര്ദ്ദിക്കുകയായിരുന്നു.
ഗുരുതരമായി പരിക്കേറ്റ പോലീസുകാരനെ ആശുപത്രിയില് പ്രവേശിപ്പിച്ചു. ഇയാള്ക്ക് നേരെ അക്രമിസംഘം കല്ലും പ്ലാസ്റ്റിക് കരേസയുമൊക്കെ വലിച്ചെറിയുന്നതും ഉദ്യോഗസ്ഥന്റെ മുകളിലേക്ക് ചാടുന്നതും വിഡിയോയില് കാണാം. അതേസമയം കഴിഞ്ഞ ദിവസങ്ങളില് പോലീസുകാര്ക്ക് നേരെ നടക്കുന്ന രണ്ടാമത്തെ അക്രമമാണിത്. നേരത്തെ കലബുറഗിയില് അമിതവേഗതയിലെത്തിയ ട്രാക്ടര് കോണ്സ്റ്റബിളിനെ ഇടിച്ച് വീഴ്ത്തിയിരുന്നു.
