മല്ലപ്പള്ളി : സ്വാതന്ത്ര്യ ദിനാഘോഷത്തിനായി ദേശീയ പതാക നിർമ്മാണത്തിലാണ് മല്ലപ്പളളിയിലെ സി.ഡി.എസ് മെമ്പർ ഉഷ. വീടുകളിലും, വിദ്യാഭ്യാസ സ്ഥാപനങ്ങളിലും, സർക്കാർ അർധ സർക്കാർ സ്ഥാപനങ്ങളിലും പതാക ഉയർത്തുന്നതിന് സർക്കാർ നിർദ്ദേശമുള്ളതിനാൽ പതാക ആവശ്യക്കാർ വർധിക്കുന്നതിനാലാണ് ക്യൂൻ ടെയ്ലറി ഉടമ പതാക നിർമ്മാണത്തിലേക്ക് തിരിഞ്ഞത്. പഞ്ചായത്തിൽ നിന്നും കുടുംബശ്രീ, സ്കൂൾ എന്നിവിടങ്ങളിൽ നിന്നുമായി 2000 പതാകക്ക് ഉഷയ്ക്ക് ഓർഡർ ലഭിച്ചിട്ടുണ്ട്.
ഒരു പതാകക്ക് നാലുരുപയാണ് ഉഷ വാങ്ങുന്നത്. മെറ്റീരിയൽ, പണിക്കൂലി എല്ലാം നോക്കുമ്പോൾ നല്ല ചെലവ് വരും. എന്നാൽ ലാഭമല്ല ലക്ഷ്യം രാജ്യത്തോടുള്ള കടപ്പാട്. അതാണ് പ്രധാനം എന്നാണ് ഉഷയുടെ പക്ഷം. ഒറ്റക്ക് പതാക നിർമ്മാണത്തിന് കാലതാമസം നേരിടുന്നതിനാൽ നാലുപേരെ കൂടി സഹായത്തിനായി നിയമിച്ചിട്ടുണ്ട്.