പത്തനംതിട്ട: സെന്സസ് പ്രാരംഭഘട്ടമായ ഭവന പട്ടികപ്പെടുത്തല് സംസ്ഥാനത്ത് ജൂലൈ 1ന് ആരംഭിക്കും. സെന്സസുമായി ബന്ധപ്പെട്ട് സ്വയം വിവരങ്ങള് നല്കാനുള്ള സൗകര്യം ജൂണ് 30 ന് അവസാനിച്ചിരുന്നു. ജൂണ് 30ന് വൈകിട്ട് 4 മണി വരെ ജില്ലയില് 51,234 കുടുംബങ്ങള് സെല്ഫ് എന്യൂമറേഷന് പൂര്ത്തിയാക്കി. രാജ്യത്തെ 16- മത് ജനസംഖ്യ കണക്കെടുപ്പ് 2026-27 വര്ഷങ്ങളില് രണ്ട് ഘട്ടങ്ങളിലാണ് നടത്തുന്നത്. ഭവന പട്ടികപ്പെടുത്തലാണ് ആദ്യ ഘട്ടം. രണ്ടാം ഘട്ടമായ ജനസംഖ്യ കണക്കെടുപ്പ് അടുത്ത വര്ഷം ആദ്യം ആരംഭിക്കും. സ്വയം വിവരം നല്കിയവര്ക്ക് ‘എച്ച്’ എന്ന് തുടങ്ങുന്ന 11 അക്ക സെല്ഫ്-എന്യൂമറേഷന് ഐഡി ലഭിക്കും. സെന്സസ് ഉദ്യോഗസ്ഥര് വീട് സന്ദര്ശിക്കുമ്പോള് ഈ ഐഡി കൈമാറണം. ഇതോടെ വിവരങ്ങള് ഡിജിറ്റലായി സ്ഥിരീകരിക്കപ്പെടും. സെല്ഫ്-എന്യൂമറേഷന് നടത്താത്തവരുടെ വിവരങ്ങള് ഉദ്യോഗസ്ഥര് വീടുകളിലെത്തി ശേഖരിക്കും.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
