ന്യൂഡല്ഹി : സ്വര്ണത്തിന്റെ ഇറക്കുമതി തീരുവ 12.5 ശതമാനത്തില് നിന്ന് 7.5 ശതമാനമായി കുറയ്ക്കുന്നതിനെ കുറിച്ച് സര്ക്കാര് ആലോചിക്കുന്നതായി റിപ്പോര്ട്ട്. സ്വര്ണ കള്ളക്കടത്ത് കേസുകള് കൂടി വരുന്ന പശ്ചാത്തലത്തിലാണ് സര്ക്കാര് ഇത്തരമൊരു നീക്കം നടത്തുന്നതെന്നാണ് സൂചന.
രാജ്യത്തുടനീളം വലിയ തോതില് സ്വര്ണം കടത്തുന്നതായി അടുത്തിടെ കസ്റ്റംസ് സര്ക്കാരിന് റിപ്പോര്ട്ടു നല്കിയിട്ടുണ്ട്. ജൂലൈ 5 ന് അവതരിപ്പിച്ച 2019 ലെ ബജറ്റില് സ്വര്ണത്തിന്റെ ഇറക്കുമതി തീരുവ 10 ശതമാനത്തില് നിന്ന് 12.5 ശതമാനമായി ഉയര്ത്തിയിരുന്നു. ഇതിനെതിരെ ഈ രംഗത്ത് പ്രവര്ത്തിക്കുന്നവര് ശക്തമായ പ്രതിഷേധം ഉയര്ത്തിയിരുന്നു. ഈ സാഹചര്യത്തിലാണ് സ്വര്ണത്തിന്റെ ഇറക്കുമതി തീരുവ കുറയ്ക്കുന്നതിനെക്കുറിച്ച് സര്ക്കാര് ആലോചിക്കുന്നത്.
