ന്യൂഡല്ഹി : കോവിഡ് കേസുകള് ഉയരുന്ന സാഹചര്യത്തില് സംസ്ഥാനങ്ങള്ക്ക് അടിയന്തര നിര്ദേശങ്ങള് നല്കി കേന്ദ്ര സര്ക്കാര്. ആരോഗ്യ രംഗത്തെ അടിസ്ഥാന സൗകര്യങ്ങള് വര്ധിപ്പിക്കണം. താത്കാലിക ആശുപത്രികള് സജ്ജമാക്കാനും നിര്ദേശം നല്കി. ഇക്കാര്യം ചൂണ്ടിക്കാട്ടി കേന്ദ്ര ആരോഗ്യസെക്രട്ടറി സംസ്ഥാനങ്ങള്ക്ക് കത്തയച്ചു. നേരിയ രോഗലക്ഷണങ്ങള് ഉള്ളവര്ക്കായി ഹോട്ടല് മുറികളും മറ്റും മാറ്റിവെയ്ക്കണം.
വീട്ടില് സ്വയം നിരീക്ഷണത്തില് കഴിയുന്നവര് നിര്ദേശങ്ങള് കര്ശനമായി പാലിക്കുന്നുണ്ട് എന്നുറപ്പു വരുത്തണം. വീടുകളിലെ നിരീക്ഷണം ഉറപ്പാക്കാന് പ്രത്യേക സംഘങ്ങളെ നിയോഗിക്കണം. ജില്ലാ തലത്തില് കണ്ട്രോള് റൂമുകള് തുറക്കണം. കൃത്യമായ ആംബുലന്സ് സേവനം ഉറപ്പു വരുത്തണം. ഗ്രാമീണ മേഖലയ്ക്കും കുട്ടികള്ക്കും പ്രത്യേക പരിഗണന നല്കണമെന്നും കേന്ദ്രം ആരോഗ്യ മന്ത്രാലയം നിര്ദേശിച്ചു.
