തിരുവനന്തപുരം : കോവിഡ് പ്രതിരോധ പ്രവര്ത്തനങ്ങള്ക്കായുള്ള സിഎഫ്എല്ടിസികളില് നിയമിക്കപ്പെട്ട സ്റ്റാഫ് നഴ്സുമാരുടെ സേവന കാലാവധി തുടരുമെന്ന് തദ്ദേശ സ്വയംഭരണ വകുപ്പ് മന്ത്രി എം.വി ഗോവിന്ദന്. നഴ്സുമാരുടെ കാലാവധി സിഎഫ്എല്ടിസികള് നിര്ത്തലാക്കുന്നതുവരെ തുടരുമെന്ന് മന്ത്രി അറിയിച്ചു. ആരോഗ്യവകുപ്പിന്റെ ശുപാര്ശ പരിഗണിച്ചാണ് കാലാവധി നീട്ടാനുള്ള പുതിയ തീരുമാനം.
തദ്ദേശ സ്വയംഭരണ സ്ഥാപനങ്ങളില് നിയമിച്ചിട്ടുള്ള കരാര് ജീവനക്കാരെ കാലാവധി പൂര്ത്തിയായാലും പിരിച്ചുവിടരുതെന്ന് നേരത്തെ സര്ക്കാര് ഉത്തരവിട്ടിരുന്നു. കോവിഡ് പ്രതിരോധ പ്രവര്ത്തനങ്ങള് തടസ്സപ്പെടാതിരിക്കാന് വേണ്ടിയായിരുന്നു സര്ക്കാരിന്റെ ഈ ഉത്തരവ്. ഈ ഉത്തരവിന്റെ അടിസ്ഥാനത്തില് ആണ് സിഎഫ്എല്ടിസികള് നിര്ത്തലാക്കുന്നതുവരെ സ്റ്റാഫ് നഴ്സുമാരെ ജോലിയില് തുടരാന് അനുവദിച്ച് കൊണ്ടുള്ള തീരുമാനമെന്ന് മന്ത്രി വ്യക്തമാക്കി.
