എറണാകുളം : വടുതലയില്‍ വീട്ടമ്മയുടെ മാല പൊട്ടിച്ച കേസില്‍ ദമ്പതികള്‍ പിടിയില്‍. വൈപ്പിന്‍ സ്വദേശി സോമരാജനും ഭാര്യ മോനിഷയുമാണ് അറസ്റ്റിലായത്. മാല വില്‍ക്കാന്‍ സഹായിച്ചതിനാണ് മോനിഷയെ അറസ്റ്റ് ചെയ്തത്. സോമരാജ് നിരവധി മാലപൊട്ടിക്കല്‍ കേസുകളിലെ പ്രതിയാണെന്ന് പോലീസ് പറഞ്ഞു. എറണാകുളം നോര്‍ത്ത് പോലീസാണ് ഇരുവരേയും അറസ്റ്റ് ചെയ്തത്.
മറ്റൊരു മാല പൊട്ടിക്കല്‍ കേസില്‍ ജയിലിലായിരുന്ന സോമരാജ് കഴിഞ്ഞ ദിവസമാണ് പുറത്തിറങ്ങിയത്. സോമരാജ് പൊട്ടിച്ചിരുന്ന മാലകള്‍ ഭാര്യ മോനിഷയാണ് വില്‍ക്കാന്‍ സഹായിച്ചിരുന്നത്. ഇയാള്‍ പൊട്ടിച്ച മാല എരമല്ലൂര്‍ ഉള്ള ജ്വലറിയില്‍ നിന്നും പോലീസ് കണ്ടെടുത്തു.
