ചക്കുളത്തുകാവ്: ചക്കുളത്തുകാവ് ഭഗവതി ക്ഷേത്രത്തില് പുജവെയ്പ്പ് ഇന്ന്. ചക്കുളത്തമ്മയുടെ സന്നിധിയില് ദുര്ഗാഷ്ടമി ദിവസമായ ഇന്നു വൈകീട്ട് 6.30 ന് വിദ്യാര്ഥികള്ക്ക് പാഠപുസ്തകങ്ങളും മറ്റുള്ളവര്ക്ക് സ്വന്തം പണിയായുധങ്ങളും ഉപകരണങ്ങളും പൂജവെയ്ക്കാനുള്ള ക്രമീകരണങ്ങള് ഒരുക്കിയിട്ടുണ്ട്. നവരാത്രി മഹോത്സവത്തോടനുബന്ധിച്ച് ക്ഷേത്രത്തില് പ്രത്യകം തയാറാക്കിയ നവരാത്രി മണ്ഡപത്തില് 26 മുതല് നൃത്തസംഗീതാര്ച്ചന നടന്നുവരികയാണ്.
വിദ്യാരംഭ ദിനമായ അഞ്ചിന് പുലര്ച്ചെ 5.30 ന് പൂജയെടുപ്പ് നടക്കും.
മഹാനവമി ദിനത്തില് കുരുന്നുകള്ക്ക് ആദ്യക്ഷരം കുറിക്കുന്നതിന് വിപുലമായ ക്രമീകരണങ്ങള് പൂര്ത്തിയായി വരുന്നതായി മുഖ്യകാര്യദര്ശിമാരായ വരുന്നതായി രാധാകൃഷ്ണന് നമ്പൂതിരി, ഉണ്ണികൃഷ്ണന് നമ്പൂതിരി, കാര്യദര്ശി മണിക്കുട്ടന് നമ്പൂതിരി എന്നിവര് അറിയിച്ചു. വിദ്യാരംഭത്തിന് ക്ഷേത്ര ട്രസ്റ്റി മാരായ അശോകന് നമ്പൂതിരി രഞ്ജിത്ത് ബി നമ്പൂതിരി, ദുര്ഗാദത്തന് നമ്പൂതിരി മേല്ശാന്തിമാരായ ഹരികുട്ടന് നമ്പൂതിരി, ജയസൂര്യ നമ്ബൂതിരി എന്നിവര് കാര്മികത്വം വഹിക്കും.
