കോഴിക്കോട്: ഓപ്പറേഷന് യെല്ലോ പദ്ധതിയുടെ ഭാഗമായി നടത്തിയ പരിശോധനയില് അനധികൃതമായി കൈവശം വെച്ച 68 മുന്ഗണനാ കാര്ഡുകള് പിടിച്ചെടുത്തു. കോഴിക്കോട് താലൂക്കിലെ ഒളവണ്ണ, മടവൂര്, കൊടിനാട്ടുമുക്ക് എന്നീ പ്രദേശങ്ങളില് വീട് കയറി നടത്തിയ പരിശോധനയില് അനധികൃതമായി കൈവശം വെച്ചിരുന്ന അഞ്ച് എ.എ.വൈ. കാര്ഡ്, 40 മുന്ഗണനാ കാര്ഡുകള്, 23 സേ്റ്ററ്റ് സബ്സിഡി കാര്ഡുകള് എന്നിവയാണ് പിടിച്ചെടുത്തത്.
സര്ക്കാര് ഉദ്യോഗസ്ഥരടക്കം നിലവില് മുന്ഗണനാ കാര്ഡുകളില് അംഗങ്ങളായി തുടരുന്നതായും എ.സി സൗകര്യത്തോടുകൂടിയതും 1000 ചതുരശ്ര അടിയില് കൂടുതല് വിസ്തൃതിയുള്ള വീടുകളും ഒന്നിലധികം നാല്ചക്ര വാഹനമുള്ളവരുമായ വ്യക്തികള് നിലവില് സബ്സിഡി കാര്ഡ് അംഗങ്ങളായി തുടരുന്നതായും കണ്ടെത്തി. ഇവര്ക്ക് നോട്ടീസ് നല്കിയതായും കാര്ഡുകള് അടിയന്തിരമായി മാറ്റേണ്ടതാണെന്നും ജില്ലാ സപ്ലൈ ഓഫീസര് കെ.രാജീവ് അറിയിച്ചു.
വരും ദിവസങ്ങളിലും കര്ശന പരിശോധന തുടരുമെന്നും അദ്ദേഹം അറിയിച്ചു. അനര്ഹമായി മുന്ഗണനാ റേഷന് കാര്ഡ് കൈവശം വെച്ചിട്ടുള്ളവരെ കണ്ടെത്തുന്നതിന് പൊതുവിതരണ വകുപ്പ് ആവിഷ്കരിച്ച പദ്ധതിയാണ് ഓപ്പറേഷന് യെല്ലോ. പരിശോധനയില് താലൂക്ക് സപ്ലൈ ഓഫീസര് എം. സാബു, അസിസ്റ്റന്റ് താലൂക്ക് സപ്ലൈ ഓഫീസര് നിഷ. കെ, റേഷനിംഗ് ഇന്സ്പെക്ടര്മാരായ സുരേഷ്.വി, ഷെദീഷ്.സി.കെ, ജീവനക്കാരായ മനു പ്രകാശ്, സീന. സി.ബി., മൊയ്തീന്കോയ പങ്കെടുത്തു.
