പത്തനംതിട്ട : ഇന്ധന വിലവര്‍ധനവിൽ പ്രതിഷേധിച്ച് സംയുക്ത ട്രേഡ് യൂണിയന്റെ നേതൃത്വത്തിൽ പത്തനംതിട്ടയില്‍ നടത്തിയ ചക്ര സ്തംഭന സമരം ഐ റ്റി യൂ ഒട്ടോ-ടാക്സി ലൈറ്റ് മോട്ടോർ വർക്കേഴ്സ് യൂണിയൻ സംസ്ഥാന വൈസ് പ്രസിഡണ്ടും മുൻ എം.എൽ.എയുമായ രാജു എബ്രഹാം ഉദ്ഘാടനം ചെയ്തു.
രാവിലെ 11 മണി മുതൽ 11:15 വരെ ഗാന്ധി സ്‌ക്വയറിൽ നടത്തിയ സമരത്തില്‍ ഐ എൻ റ്റി യൂ സി ജില്ലാ സെക്രട്ടറി പി.കെ ഗോപി അദ്ധ്യക്ഷത വഹിച്ചു. സി ഐ റ്റി യൂ ഒട്ടോ- ടാക്സി ലൈറ്റ് മോട്ടോർ വർക്കേഴ്സ് യൂണിയൻ സംസ്ഥാന കമ്മറ്റി അംഗം എം.വി.സഞ്ജു , സി സി ഐ റ്റി യൂ ഒട്ടോ ടാക്സി ലൈറ്റ് മോട്ടോർ വർക്കേഴ്സ് യൂണിയൻ സംസ്ഥാന കമ്മറ്റി അംഗം കെ.അനിൽ കുമാർ, യൂണിയൻ നേതാക്കളായ ഇ.കെ.ബേബി (സി ഐ റ്റി യൂ), തോമസ് ജോസഫ് (യൂ റ്റി യൂ സി) അബ്ദുൾ മനാഫ്, കെ വൈ ബേബി, തമ്പിക്കുട്ടി, ബിജു നാരായണൻ, റോബിൻ വിളവിനാൽ, സുദർശൻ, നെൽസൺ, ഗിരീഷ് കുമാർ എന്നിവർ സംസാരിച്ചു.
