ഇടുക്കി : ബംഗാള്‍ ഉള്‍ക്കടലില്‍ ന്യൂനമര്‍ദം രൂപപ്പെട്ടതിനാൽ കേരളത്തില്‍ ഇന്നും നാളെയും ഒറ്റപ്പെട്ട മഴക്ക് സാധ്യത. ന്യൂനമര്‍ദം ബംഗാള്‍ ഉള്‍ക്കടലിലെ പടിഞ്ഞാറന്‍ മധ്യമേഖലയിലും വടക്ക് കിഴക്കന്‍ മേഖലയിലുമായി 16ന് വൈകിട്ടാണ് രൂപമെടുത്തത്.
തിരുവോണ നാളില്‍ ഉച്ചക്ക് ശേഷം മലയോര മേഖലയിലും വടക്കന്‍ ജില്ലകളിലും ഇടവിട്ടുള്ള മഴ പ്രതീക്ഷിക്കാം. അവിട്ടം, ചതയം നാളുകളിലും രാത്രി സമയങ്ങളിലടക്കം ഇടവിട്ട് മഴയെത്തും. അതേസമയം വ്യാപകമായ മഴക്ക് സാധ്യതയില്ലെന്നാണ് കാലാവസ്ഥ വിദഗ്ധര്‍ വ്യക്തമാക്കുന്നത്.
