തിരുവനന്തപുരം : സംസ്ഥാനത്ത് അതിശക്തമായ മഴയ്ക്കുള്ള സാധ്യത. കോട്ടയം, എറണാകുളം, ഇടുക്കി ജില്ലകളില് ഇന്ന് ഓറഞ്ച് അലേര്ട്ടാണ്. കൊല്ലം, പത്തനംതിട്ട, ആലപ്പുഴ ജില്ലകളില് യെല്ലോ അലേര്ട്ടുണ്ട്. മഴയ്ക്കൊപ്പം ഇടിമിന്നലിനും ഉണ്ടാകാന് സാധ്യത നിലനില്ക്കുന്ന സാഹചര്യത്തില് മത്സ്യബന്ധനത്തിന് അടുത്ത നാല് ദിവസത്തേക്ക് വിലക്കേര്പ്പെടുത്തി. തമിഴ്നാടിന് മുകളിലുള്ള അന്തരീക്ഷച്ചുഴിയും ബംഗാള് ഉള്ക്കടല്വരെ നിലനില്ക്കുന്ന ന്യൂനമര്ദപാത്തിയുമാണ് മഴ തുടരാന് കാരണമെന്ന് കാലാവസ്ഥ നിരീക്ഷകര്.
