ന്യൂഡല്ഹി : മുതിര്ന്ന കോണ്ഗ്രസ് നേതാവും മുന് മുഖ്യമന്ത്രിയുമായ ഉമ്മന് ചാണ്ടിയുടെ മകന് ചാണ്ടി ഉമ്മന് യൂത്ത് കോണ്ഗ്രസ് ദേശീയ ഔട്ട്റീച്ച് സെല് ചെയര്മാനായി ചുമതലയേറ്റു. ദേശീയ അധ്യക്ഷന് പി.വി. ശ്രീനിവാസന്റെ സാന്നിധ്യത്തില് യൂത്ത് കോണ്ഗ്രസ് ആസ്ഥാനത്തു വെച്ചാണ് ചുമതല ഏറ്റെടുത്തത്. സ്ത്രീകളെയും ന്യൂനപക്ഷങ്ങളെയും ദളിതരെയും ആദിവാസികളെയും പാര്ട്ടിയിലേക്ക് എത്തിക്കുകയെന്ന ലക്ഷ്യത്തോടെയാണ് യൂത്ത് കോണ്ഗ്രസ് ഔട്ട്റീച്ച് സെല്ല് പ്രവര്ത്തനമാരംഭിച്ചത്. ഈ സെല്ലിന്റെ പ്രഥമ ചെയര്മാനാണ് ചാണ്ടി ഉമ്മന്. വിവിധ ഭാഷകളില് പ്രാവീണ്യമുള്ള ചാണ്ടി ഉമ്മന് എംഎ, എല്എല്എം ബിരുദധാരിയാണ്. ഇപ്പോള് കേരളത്തിലും ഡല്ഹിയിലുമായി അഭിഭാഷകനായി പ്രാക്ടീസ് ചെയ്യുന്നു. യൂത്ത് കോണ്ഗ്രസ് മുന് സംസ്ഥാന സെക്രട്ടറിയായിരുന്നു.
ചാണ്ടി ഉമ്മന് യൂത്ത് കോണ്ഗ്രസ് ദേശീയ ഔട്ട് റീച്ച് സെല് ചെയര്മാനായി ചുമതലയേറ്റു
RECENT NEWS
Advertisment