ചണ്ഡീഗഢ് : അതീവ സുരക്ഷ സന്നാഹങ്ങളോടെ ചണ്ഡീഗഢ് മുനിസിപ്പൽ കോർപ്പറേഷൻ മേയർ തിരഞ്ഞെടുപ്പ് ഇന്ന് (ചൊവ്വാഴ്ച) നടക്കും. 800 ഓളം പോലീസുകാരെയും അർദ്ധസൈനികരുടെ അധിക സേനയെയും വിന്യസിച്ച് പഴുതടച്ച സുരക്ഷയാണ് ക്രമീകരിച്ചിരിക്കുന്നത്. കോർപ്പറേഷനെ മൂന്നായി തിരിച്ച് ബാരിക്കേഡുകൾ സ്ഥാപിച്ചിട്ടുണ്ട്.
ചണ്ഡീഗഡിൽ പൊതു തെരഞ്ഞെടുപ്പിന് മുമ്പ് ഇന്ത്യ മുന്നണിയും എൻഡിഎയും തമ്മിലുള്ള ആദ്യ ഏറ്റുമുട്ടൽകൂടിയായ തിരഞ്ഞെടുപ്പിൽ ആം ആദ്മി പാർട്ടിയും (എഎപി) കോൺഗ്രസും ചേർന്നാണ് ബിജെപിയെ നേരിടുന്നത്. 8 വർഷത്തെ ബിജെപി ഭരണത്തിന് അന്ത്യം കുറിക്കുകയാണ് ഇന്ത്യ മുന്നണിയുടെ ലക്ഷ്യം. 10 മണിക്ക് വോട്ടെടുപ്പ് ആരംഭിക്കും.
