തിരുവനന്തപുരം : വിശുദ്ധ കുര്യാക്കോസ് ഏലിയാസ് ചാവറയച്ചന്റെ സ്മാരക നവീകരണത്തിനായി ഒരു കോടി രൂപ അനുവദിച്ചു. ധനമന്ത്രി കെ.എന് ബാലഗോപാല് അവതരിപ്പിച്ച 2022-2023 സാമ്പത്തിക വര്ഷത്തെ ബജറ്റ് അവതരണത്തിലാണ് അതിരമ്പുഴ മാന്നാനത്തെ ചാവറയച്ചന്റെ സ്മാരകം നവീകരിക്കുന്നതിനായി പണം അനുവദിച്ചത്. അതോടൊപ്പം, കൊട്ടാരക്കര തമ്പുരാന് കഥകളി പഠന കേന്ദ്രത്തിനും ചെറുശ്ശേരി സ്മാരകത്തിനും പി.കൃഷ്ണപിള്ള സ്മാരകത്തിനും രണ്ട് കോടി രൂപ അനുവദിച്ചു. സംഗീതജ്ഞന് എം.എസ് വിശ്വനാഥന്റെ പാലക്കാട്ടുള്ള സ്മാരകത്തിന് ഒരു കോടി രൂപ ബജറ്റില് നീക്കിവച്ചു. പണ്ഡിറ്റ് കറുപ്പന് സ്മൃതി മണ്ഡപത്തിന് 30 ലക്ഷം രൂപയും നല്കി.
* ചെറുശേരി സ്മാരകത്തിനു രണ്ട് കോടി
* കൊച്ചി വാട്ടര് മെട്രോയ്ക്ക് 150 കോടി
* ടൂറിസം വികസനത്തിനു 1000 കോടിയുടെ വായ്പ പദ്ധതി
* ചാന്പ്യന്സ് വള്ളംകളി 12 ഇടങ്ങളില്
* ഓട്ടോകള് ഇലക്ട്രിക്കിലേക്കു മാറ്റാന് സബ്സിഡി
* കൊച്ചിയില് പുതിയ റോ റോ സര്വീസ് തുടങ്ങാന് പത്ത് കോടി
* സമുദ്ര വിനോദസഞ്ചാരം, ക്രൂയിസ് പദ്ധതിക്ക് അഞ്ച് കോടി
* ആരോഗ്യ മേഖലയ്ക്ക് 2629 കോടി
* ആര്സിസിയെ സംസ്ഥാന കാന്സര് സെന്ററാക്കി വികസിപ്പിക്കും
* കൊച്ചി കാന്സര് സെന്ററിനു 14 കോടി
* മലബാര് കാന്സര് സെന്ററിനു 28 കോടി
* കാരുണ്യ പദ്ധതിക്ക് 500 കോടി
* തോന്നയ്ക്കല് വൈറോളജി ഇന്സ്റ്റിറ്റ്യൂട്ടിനു 50 കോടി
* എറണാകുളത്തെ വെള്ളക്കെട്ട് ഒഴിവാക്കാനുള്ള ഓപ്പറേഷന് ബ്രേക്ക് ത്രൂ പദ്ധതിക്ക് പത്ത് കോടി
* ലാറ്റിനമേരിക്കന് പഠന കേന്ദ്രത്തിനു രണ്ട് കോടി
* ലൈഫ് മിഷന് പദ്ധതിക്ക് 1771 കോടി
