തിരുവനന്തപുരം : കാർഷിക മേഖലയെ പിന്നോട്ടടിക്കുന്ന സര്ക്കാര് നയങ്ങൾ തിരുത്തണമെന്നും യൂറിയ, പൊട്ടാഷ് ഉൾപ്പെടെയുള്ള അത്യാവശ്യ വളങ്ങൾ കര്ഷകന് യഥേഷ്ടം ലഭിക്കുന്ന സാഹചര്യം ഒരുക്കണമെന്നും മുൻ കെ പി സി സി പ്രസിഡന്റ് കെ മുരളീധരൻ ആവശ്യപ്പെട്ടു. കിസാൻ നാഷണൽ ജനതാദൾ സംഘടിപ്പിച്ച സെക്രട്ടറിയേറ്റ് മാർച്ചും ധർണയും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. വ്യാവസായിക ആവശ്യത്തിന് യൂറിയ മറിച്ചു വിൽക്കുന്നത് തടയണം, വന്യജീവി ആക്രമണം, കാലാവസ്ഥാ വ്യതിയാനം, കൂലി വർദ്ധന, വിലയിടിവ് എന്നിവയാൽ നട്ടം തിരിയുന്ന കർഷകനെ രക്ഷിക്കാൻ സർക്കാർ തയ്യാറാകണമെന്നും കെ മുരളീധരൻ പറഞ്ഞു.
നാഷണൽ ജനതാദൾ സംസ്ഥാന പ്രസിഡന്റ് അഡ്വ. ജോൺ ജോൺ മുഖ്യ സന്ദേശം നൽകി. കിസാൻ ജനത സംസ്ഥാന പ്രസിഡന്റ് ടോമി ജോസഫ്, സംസ്ഥാന ജനറൽ സെക്രട്ടറി ജോൺ സാമുവേൽ, സംസ്ഥാന വൈസ് പ്രസിഡന്റ് വത്സമ്മ ജോൺ, സെക്രട്ടറിമാരായ അനിൽ മേടയിൽ, മനോജ് കൊട്ടാരക്കര, യുവജനതാദൾ സംസ്ഥാന പ്രസിഡന്റ് യൂസഫ് അലി മടവൂർ, ഷാജി ചോറ്റാനി, എ വിൻസന്റ്, എം എം വർഗീസ്,
ജിമ്മി ജേക്കബ്ബ്, വിലാസിനി പാപ്പൻ, കുറ്റിമൂട് ബഷീർ, സൂര്യ രാജ്, ബിസിൽ ദാസ്, തിലകൻ പുളിങ്കുഴി, ശ്യാംരാജ് പി ആർ, കെ.യു ഇർഷാദ്, ജയകുമാർ സി.കെ എന്നിവർ പ്രസംഗിച്ചു.
