പത്തനംതിട്ട : ഹയർ സെക്കന്ററി കെമിസ്ട്രി പരീക്ഷ ഉത്തര സൂചികയിലെ അപാകതയിൽ പ്രതിഷേധിച്ചു വിഎച്ച്എസ്, ഹയർ സെക്കന്ററി അധ്യാപകർ നടത്തുന്ന മൂല്യ നിർണ്ണയ ബഹിഷ്കരണം വിദ്യാഭ്യാസ മന്ത്രി അടിയന്തിരമായി ഉത്തരസൂചിക പുനപരിശോധിച്ച് മൂല്യ നിർണ്ണയം കുറ്റമറ്റ രീതിയിൽ നടത്തുന്നതിന് ആവശ്യമായ നടപടി സ്വീകരിയ്ക്കണമെന്ന് വൊക്കേഷണൽ ഹയർ സെക്കൻഡറി നോൺ വൊക്കേഷണൽ അധ്യാപക സംഘടനാ യോഗം ആവശ്യപ്പെട്ടു.
ലക്ഷക്കണക്കിന് വിദ്യാർഥികളുടെ ഭാവിയെ ബാധിക്കുന്ന പ്രശ്നം സംസ്ഥാന സർക്കാർ അടിയന്തരശ്രദ്ധ പതിപ്പിക്കണമെന്നും യോഗം ആവശ്യപ്പെട്ടു.
ചെയർമാൻ ഷാജി പാരിപ്പള്ളി ഉദ്ഘാടനം ചെയ്തു. സംസ്ഥാന പ്രസിഡന്റ് റോജി പോൾ ഡാനിയേൽ അധ്യക്ഷത വഹിച്ചു. ജനറൽ സെക്രട്ടറി കെ ഗോപകുമാർ, ഗീവർഗീസ്, സജീവ്, സന്തോഷ്, അരുൺ, എബ്രഹാം എന്നിവർ പ്രസംഗിച്ചു.