തിരുവനന്തപുരം: മന്ത്രി കെ.ടി. ജലീലിനെ മന്ത്രിസഭയില്നിന്ന് പുറത്താക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ഗവര്ണര് തന്നെ മന്ത്രി തെറ്റു ചെയ്തെന്ന് കണ്ടെത്തിക്കഴിഞ്ഞു. മന്ത്രിയുടെ കള്ളക്കളികള് ഗവര്ണര് പൊളിച്ചു. തെറ്റ് ആവര്ത്തിക്കുമെന്ന മന്ത്രിയുടെ വെല്ലുവിളിക്കാണ് ഗവര്ണറുടെ മറുപടിയെന്നും അദ്ദേഹം വ്യക്തമാക്കി.
അതേസമയം കേരള സാങ്കേതിക സര്വകലാശാലയില് മന്ത്രി ജലീലും പ്രൈവറ്റ് സെക്രട്ടറിയും സര്വകലാശാലാ ഉദ്യോഗസ്ഥരും പങ്കെടുത്ത് അദാലത്ത് സംഘടിപ്പിച്ചതും തീരുമാനങ്ങള് കൈക്കൊണ്ടതും നിയമവിരുദ്ധമാണെന്ന് വ്യക്തമാക്കി ഗവര്ണര് ഉത്തരവിറക്കിയിരുന്നു.
