ചെറുവണ്ണൂര്: കോഴിക്കോട് ചെറുവണ്ണൂരില് വന് തീപിടുത്തം. ചെറുവണ്ണൂരില് അമാന ടയോട്ട ഷോറൂമിന് സമീപമുള്ള ആക്രിക്കടയില് രാവിലെ അഞ്ച് മണിയോടെയാണ് തീപിടുത്തമുണ്ടായത്. എങ്ങനെയാണ് തീപിടുത്തമുണ്ടായതെന്ന് വ്യക്തമല്ല.
അഗ്നിശമനസേന സ്ഥലത്തെത്തി തീയണക്കാനുള്ള ശ്രമങ്ങള് തുടരുകയാണ്. ജില്ലയിലെ 19 യൂണിറ്റുകളും മലപ്പുറത്ത് നിന്ന് ഒരു യൂണിറ്റും എത്തിയാണ് തീയണക്കുന്നത്. തീപിടുത്തമുണ്ടായ ആക്രിക്കടയില് നിന്നും സമീപത്തെ വാഹന ഷോറൂമിലേക്ക് തീ പടരാതിരിക്കാനുള്ള ശ്രമത്തിലാണ് അഗ്നിശമനസേന. ആര്ക്കും പരിക്കേറ്റതായി റിപ്പോര്ട്ടില്ല. ഷോര്ട്ട് സര്ക്യൂട്ടായിരിക്കാമെന്നാണ് പ്രാഥമിക നിഗമനം. കുണ്ടായിത്തോട് ശാരദ മന്ദിരത്തിന് സമീപത്താണ് തീപിടിത്തമുണ്ടായത്. വ്യാവസായിക മേഖലയായതിനാല് തൊട്ടടുത്ത് വീടുകളൊന്നുമില്ലാത്തതിനാല് വന് അപകടം ഒഴിവായി.
